Tata Ibadah Minggu
(Ulang Tahun Ke-52)
4 Oktober 2026

XVIII DUNG TRINITATIS

(ULANG TAHUN GEREJA KE-52)

Pasangaphon Debata di Bagasan Saluhutna
(Memuliakan Allah dalam Segala Hal)

 

(Jongjong)

JOU JOU TU PARSAORAN:               

L : Huria ni Debata na nihaholongan di bagasan Goar ni Tuhanta Jesus Kristus, Tabe dohot holong ni roha na sian Debata ma namandongani sahulutna pardalanan ni ngolunta. Di bagasan sadarion tung tama do hita mandok mauliate tu Debata, di saluhut pandonganion dohot pangaramotion ni Debata di sude pardalanan ni ngolunta. Di ari sadarion dipaloas Debata HuriaNa, patupahon Pesta ULANG TAHUN PA-52 hon, asa tahalashonma pasu-pasu dohot denggan basa ni Jahowa di bagasan ngolunta, tarlumobi di hasasaor ni Barita na Uli di bagasan ngolunta be. Saluhutna i tung asi ni roha ni Debata do i tu hita.

Ala ni i tapuji ma Tuhanta jala tasomba ma Ibana, taendehon ma “Sangap ni Jahowa”

H : (Mangendehon BE 581:1)

Sangap ni Jahowa

Sangap ni Jahowa na sun timbul I, balga ni holongNa ndang tarasam i.

Dilehon AnakNa na sasada i, manobus hita jolma pardosa i.

Pujima Debata ale manisia, las roham, las roham somba ma Debata.

Dapothon Jahowa na sun timbul I, marhite AnakNa Tuhan Jesus i.

L : Tung so tarasam hita do balga ni holong ni roha ni Debata, di bagasan pardalanan ni ngolunta, jala tung so hasuhatan do denggan ni basaNa. Antong haholongi ma Debata sian nasa roham, sian nasa ateatem dohot sian nasa pingkiranmu. Robe ma hamu tu adopanNa jala somba ma Ibana.

H : (Mangendehon BE 581:2)

Sangap ni Jahowa

Tung so hasuhatan do basaNa i, marhite AnakNa ni lehonNa i.

MudarNa durus do di hau silang i, rara pe dosanta ias di baen i.

Pujima Debata ale manisia, las roham, las roham somba ma Debata.

Dapothon Jahowa na sun timbul i, marhite AnakNa Tuhan Jesus i.

 

L : Marhite-hite goar ni Debata Ama, dohot goarni AnakNa Tuhan Jesus Kristus, dohot goar ni Tondi Parbadia na tumompa langit dohot tanoon, dipasaorma dameNa tu tondinta. Amen.

Rap ma hita mandok di tangiangta i 

L+J : Ale Jesus Tuhannami, bereng hami na dison, pinarmahanMi do hami saluhutna na dison, sai asi rohaM di hami, sai pangolu hami on. Amen.   

BE 564

LAS MA ROHANTA DI TUHANTA DEBATA
 
2
Parasi roha do Jahowa Debata,
Parasi roha do Jahowa Debata,
Parasi roha do Jahowa Debata,
Parasi roha ma nang hita on.
 
 
4
Dame ni Debata saor tu hita on,
Dame ni Debata saor tu hita on,
Dame ni Debata saor tu hita on,
Sibaen dame ma nang hita on.
 
 

 

L : Olophon ma Jahowa, ale sandok tano on! Oloi hamu ma Jahowa marhitehite las ni roha, ro be ma hamu tu joloNa marhitehite olop-olop.

H : Boto hamu ma on: Jahowa do Debata; Ibana jumadihon hita, jala Ibana nampuna hita, bahen bangsona dohot biru-biru pinarmahanNa.

L : Bongoti hamu ma angka bahalNa marhitehite hamauliateon, angka alamanNa marhitehite pujipujian, mauliate ma roha muna tu Ibana, puji ma goarNa.

Martangiang ma hita:

Ale Debata Amanami, mandok mauliate do hami tu Ho, di sude denggan ni basaM. Tung so tarasam do angka pambahenanMu, na mandongani dohot na mamasu-masu sude hami ruasMon. Sadarion dilehon Ho do las ni roha tu huriaM, na boi patupahon PESTA ULANG TAHUN ni HuriaM na pa-52 taonhon. Tu Ho do hami pasahathon parsombaon nami, ala sian tingki tu tingki, lam mangerbang do huriaMon dohot panghobasionNa. Lehon ma di hami sada ni roha di sude ruasMu, jala didongani Ho do nang angka parhalado laho marhalado i huriaM. Antong sai saut ma harajaonMu dohot hamuliaonMu di huriaMon, di bagasan goar ni anakMu Tuhan Jesus Kristus si Palua hami. Amen. Haleluya …

H : (Mangendehon BE 853:1)

Haleluya, Haleluya, Haleluya, Haleluya,
Haleluya, Haleluya, Haleluya, Haleluya,
Haleluya, Haleluya, Haleluya, Haleluya.

 

L : (Manjaha Patik I-IV)

Ido sahatna. Antong rap mangido gogo ma hita tu Debata, mangulahon PatikNai:

S : Ale Tuhan Debata, sai pargogoi ma hami mangulahon na hombar tu PatikMi, Amen!

BE 774

 
TUNG MABAOR SIAN HO
 
1
Tung mabaor sian Ho, mual hangoluan i,
Ai torop pe batang aek angka dolok dohot rura,
Nang pe langit dohot tano
Ho do na manompa i,
Ho do na manompa i, Ho do na manompa i,
Ho do na manompa i.
 
4
Huhilala holongMi na manogu rohangki,
Unang loas au be lilu mana dinghon ho Tuhanhu,
Pandang i do tujuonhu,
Saleleng di ngolungki, saleleng di ngolungki,
Saleleng di ngolungki, saleleng di ngolungki.

 

L : Angka dongan na hinaholongan, rap ma hita manopoti dosanta tu adopan ni Tuhanta!

Ale TUHAN Debata, Parasiroha jala Pardenggan basa na sumurung, na ro do hami tu joloM mangundukhon jala marhatopothon saluhut dosa dohot angka pangalaosionnami. Jotjot do huulahon hami angka ulaon na maralo tu hataM dohot lomo ni rohaM. Asi ma rohaM, ale TUHAN Jahowa, sai unang paingot-ingot angka dosa dohot pangalaosion nami i. Sai ingot ma hami hombar tu asi ni rohaM na balga i. Sai togu-togu ma hami tu bagasan hasintonganMu. Sai ajari ma hami marhitehite hatigoranMu, asa hot haporseaon naung ni lehonMi tu hami, jala tongtong huingot hami holong ni rohaM, ai Ho do Debata ni hatuaon nami, ala anakMu Tuhan Jesus Kristus, Tuhan nami, Amen.

S : (Marende BE 200:6)

DI SURGO DO ALEALENTA

O Jesus alealenami, sai tiop tangannami be.
 
Tongtong rajai ma rohanami, tu surgo togu hami be.
 
Di si ma hot parsaoran i, saleleng ni lelengna i.
 
L : Tatangihon ma hata ni Tuhanta, i ma bagabaga ni Debata taringot tu hasesaan ni dosanta:

“Ai munsat pe angka dolok, jala humuntal angka robean, alai anggo asi asingku na so tupa munsat sian Ho, jala padan ni hadameonKu na so tupa humordit, ninna Jahowa siasii ho”

Hasangapon ma di Debata na di ginjang!

S : Amen

BE 411

 
NANG PE RARA DOSAMU
 
1
Nang pe rara dosamu, ias dibaen mudarhu,
Nang pe rara dosamu, ias dibaen mudarhu,
Na dapdap songon hasumba, songon itak do.
Nang pe rara dosamu, nang pe rara dosamu,
Ias dibaen mudar Hu, ias dibaen mudarHu.
 
3
SesaoNa dosamu, ndang dibaloshon tu ho,
SesaoNa dosamu, ndang dibaloshon tu ho,
Tu Jesus ro, ho na loja, asa sabam ho.
SesaonNa dosamu, sesaonNa dosamu,
Ndang di baloshon tu ho, ndang dibaloshon tu ho

 

L : Tajaha secara Responsoria nagabe turpuk ni Epistel di mingguta sadarion, ima na tarsurat di

Mika 4:1-5

Songon on ma didok disi:

 
1

Jadi masa ma sogot di ujung ni angka ari: Ojak ma dolok ni joro ni Jahowa di punsu ni angka dolok, jala huminsat sian angka robean, jadi marrongoman ma tu ibana angka bangso.

2

Jadi mardalan ma torop bangso parbegu, angka dohononnasida ma: Beta hita nangkok tu dolok ni Jahowa, dohot tu joro ni Debata ni si Jakkob, asa diajarhon tu hita angka dalanna, jala mardalan hita di angka lapangna. Ai marharoroan sian Sion do patik i, jala hata ni Jahowa sian Jerusalem.

3

Jadi manguhum ma ibana di tongatonga ni torop angka bangso jala toruanna angka bangso bolon sahat ro di na dao; jadi patopahononnasida ma podangnasida bahen gigi, jala hujurnasida bahen sasabi. Ndang be sintahon ni bangso dompak bangso podang, jala ndang be guruhononnasida ruhut ni hamusuon.

4

Hundul be ma nasida di toru ni hau anggurna dohot di toru ni hau arana, jala ndang adong panonggoti, ai pamangan ni Jahowa Zebaot do na mandok i.

5

Ai saluhut angka bangso mardalani marhitehite goar ni debatana be, alai anggo hita mardalan marhitehite goar ni Jahowa Debatanta ro di saleleng ni lelengna.

L : Ido sahatna, tapaunduk ma rohanta, martangiang ma hita:

Martua ma halak na umbege dohot na umpeop hata ni Debata.

L+J: Amen

Buka Bibel

BE 743

 
O TUHAN TOGU-TOGU MA
 
1
O Tuhan togu-togu ma au,
Tu dalan lomo ni rohaMi,
Raphon Ho sonang mardalan au,
Nang rahis maol sidalananki,
 
TondiMi baen manggohi au on,
Margogoihon au naposoMon,
Pasangap Ho dingolungkon,
Paima sahat tu surgo au on.
 
 
 
L : Rap ma hita manghatindangkon Hata Haporseaonta i
 
HATA HAPORSEAON
 

Ahu porsea di Debata Jahowa,
I do Ama pargogo na so hatudosan, na tumompa langit dohot tano.

Ahu porsea di Jesus Kristus,

Anak ni Debata Jahowa nasasada i;
i ma na tinubuhon ni si Maria, na gabegabean sian Tondi Parbadia
andorang so habubuhan.

I do Tuhanta na tumaon na bernit di panguhuman ni si Latus,
na mate tarpajal do Ibana di hau pinarsilang,
na tuat tu banuatoru dung ditanom, na mulak mangolu di ari patoluhon,
na manaek tu Surgo laho hundul tu siamun ni Debata Jahowa,
AmaNa i pargogo na so hatudosan i,
disi ma Ibana paima mulak sogot tu tano on
manguhumi halak na mangolu dohot na mate.

Ahu porsea di Tondi Parbadia, jala adong sada Huria na badia,
Huria hatopan ni halak Kristen angka na badia,
dohot di hasesaan ni dosa dohot di Hata i na mandok:
Mulak mangolu sogot daging ni halak naung mate,
dohot di hangoluan na so ra suda. Amen

BE 669

(Pelean 1&2)
 
RINGGAS AU PABOAHON
 
1
Ringgas au paboahon, barita na uli
Barita haholongon, ni Jesus Tuhanki,
Ringgas au paboahon, ai na sintong do i
Mambuat nasa holso, soada tudos nii
 
Ringgas au paboahon, barita na ummuli,
Barita haholongon, ni Jesus Tuhanki.
 
2
Ringgas au paboahon, Barita na uli,
Ai tung so tarpatudos, tu na di tano i,
Ringgas au paboahon, tu sude donganki,
Ai tung marhite i, do malua tondingki.
 
Ringgas au paboahon, barita na ummuli,
Barita haholongon, ni Jesus Tuhanki.
 
 
 
3
Ringgas au paboahon, Barita na Uli,
Ai lam binaritahon, lam ganda tonggi ni,
Ringgas au paboahon, hata na sintong i,
Tu na dihalomohon, asa malua i.
 
Ringgas au paboahon, barita na ummuli,
Barita haholongon, ni Jesus Tuhanki.
 
4
Ringgas au paboahon, Barita na uli,
Ai angka naung manjalo, uasan do disi,
Dungi di surgo sogot endehononku i,
Barita haholongon, ni Jesus Tuhanki.
 
Ringgas au paboahon, barita na ummuli,
Barita haholongon, ni Jesus Tuhanki.
 

Titus 2:1-10

1

Alai anggo ho, hatahon ma na domu tu poda na tingkos i:

2

Naeng ma marroha na torang angka na tuatua, daulat, toman, hisar marhaporseaon, marholong jala marbenget ni roha.

3

Songon i angka parompuan natuatua: Marparange na tama di na badia i, unang panihasnihasi, unang hatagian di anggur; angka sipodahon na denggan.

4

Naeng ma apoapoannasida angka parompuan na poso, mangkaholongi sinondukna dohot anakkonna,

5

mamarangehon hatomanon, hapormanon, mangaringkoti ulaonna di bagas, marbasabasa, marunduk ni roha maradophon hamulianna be, unang hona insak hata ni Debata.

6

Laos songon i ma apoi baoa angka na umposo, asa marhatomanon.

7

Sandok pajongjong dirim tiruan di angka ulaon na denggan, polin di pangajarion, marhatomanon.

8

Naeng tingkos poda i, so tarsual, asa maila na mangalo i, ala so dapot na roa sidohononna maralohon hita.

9

Dioloi angka anak somang ma indukna be, patupahon lomo ni rohana di na saluhutna; unang ma manggagai!

10

Unang ma mangahuti; dipatuduhon ma nasida haposan di sasude asa sandok marsangap poda ni Debata, Sipalua hita, dibahen.

 
 
Buka Bibel
 
 
 
Ende Andorang So Jamita

Hangoluan do hataM, sibegeon nami.

Ala asi ni rohaM, O Debata nami.

HataMi naung rade bahen bohal nami.

Sai patorang ma sude, gabe ngolu nami.

Ende Dung Sidung  Jamita

Pasu-pasu  hataMi, sai suan tu rohangki.

Asa marparbue i, ale Jesus Tuhanki.

Sai martua jolma i, na umpeop  hataMi.

Tangiangku nama i, sahat ma tu tanganMi.

 

BE 690

 
HIBUL ROHANGKU
 
1
Hibul rohangku tu Tuhan Jesus
Sude ngolungku di Tuhan Jesus,
Ihuthononku do Tuhan Jesus
Ndang olo au sumurut be.
 
4
Beta ihuthon ma Tuhan Jesus,
Ho na dijou do, roham patulus,
Beta ihuthon ma Tuhan Jesus,
Sai unang ho sumurut be.
 
 

 

MENYANYIKAN MARS HKI

                              

P : Hamu ruas ni Huria na nihaholongan di bagasan Goar ni Tuhanta Jesus Kristus!

Nuaeng sahat ma hita tu acara ULANG TAHUN ni Hurianta na Pa-52 taonhon, laho manghalashon dohot manghamauliatehon denggan basa ni Jahowa. Antong di bagasan roha na mandok mauliate tu Debata, taendehon ma BE 256:1 “Jesus Kristus i do Raja”

J : (Mangendehon BE 256:1)

 
JESUS KRISTUS I DO RAJA
 
Jesus Kristus i do Raja, pinabangkit ni AmaNa
 
Manggomgomi sasude, manggomgomi sasude
 
Jala nasa hajolmaon, tu Ibana do mar-Tuhan
 
Parhatopotonna be, parhatopotonna be
 
P : Hamu dongan sahuria, nunga tajalo denggan basa dohot asi ni roha sian Jahowa. Tahamauliatehon do, saluhutna silehonlehon na denggan, nasa ulibasa na mauliutus, ima na ro sian Debata. Dilehon do di hita nasa pasupasu, marhitehite parbueni angka ulaonta. Saluhutna i nunga tajalo sian Jahowa. Antong nda tama ma hita mandok maulite tu Debata?

H : Mauliate ma di Ho Tuhan, naung mangalehon parbue ni angka ulaonnami.

P : Didok hata ni Debata: Ingkon buatonmu ma sian patumonaan ni sandok parbue ni tano i, na dapot ho sian tanomi, naung nilehon ni Jahowa, Debatam tu ho, jala pamasuhonmu do i tu bagasan ampang, jala boanonmu do i tu inganan sipilliton ni Jahowa, Debatam bahen inganan di Goarna. Ingkon burju do lehononmu parpuluan sian nasa gogo ni tano, boni sinaburhonmi, sian saluhut na tubu di tanomi ganup taon. 

J : Mauliate ma di Ho Tuhan, naung mangalehon parbue ni angka ulaonnami. Hupasahat hami ma i bahen pelean na hushus di joloM.

P : Antong, taruhon hamu ma sintong ni parbue ni haporsean muna tu bagas parpeopan ni Debata, asa adong bohal di bagasan jabungku, jala unjuni hamu ahu taringot tusi, ninna Jahowa Zebaot, manang so ungkaponku di hamu angka pandiloan ni langit, jala mangusehon tu hamu gabe maradu marlobilobi. 

PASAHATHON SILUA:

RO MA SUDE RUAS PASAHATHON SILUA

(Sektor 1, Sektor 2, Sektor 3A, Sektor 3B, Sektor 4, Sektor 5, dohot Sude Ruas na mangalehon Silua Pribadi).

Marende BE 848:1-3

DISON ADONG HUBOAN TUHAN
 
1
Dison adong huboan Tuhan,
Parbue ni ngolungku na so tardok nian.
Sadia ma argana Tuhan
molo sai nirajuman sude denggan basaM?
 
Jalo ma Tuhan, sai las ma rohaM.
 
2
Tanganku na metmet da, Tuhan,
Na so hea mansari dope au on Tuhan;
Rohangku ma hulehon, Tuhan
Na boi pelehononku gabe las ni rohaM,
 
Jalo ma Tuhan, sai las ma rohaM.
 
3
Huingot do hataM da, Tuhan,
Ingkon sarihononhon anggim na metmet an;
Ampehon ma tanganMu sangkan,
Itak na otik i unang suda nian,
 
Jalo ma Tuhan, sai las ma rohaM.

BE 754

(Pelean 3&4)
 
GOK LAS NI ROHA DO AU
 
1
Gok las ni roha do au di ngolungkon, di ngolungkon, di ngolungkon
Gok las ni roha
Do au di ngolungkon, tongtong di rohangkon
 
Mauliate gok las ni roha maringan HolongMi Tuhan di au
Mauliate gok las ni roha maringan HolongMi Tuhan di au
 
2
Mardame jala sonang do ngolungkon, di rohangkon, di rohangkon
Mardame jala sonang do ngolungkon
Tongtong di rohangkon
 
Mauliate gok las ni roha maringan HolongMi Tuhan di au
Mauliate gok las ni roha maringan HolongMi Tuhan di au
 
 
3
Gok do holong ni Jesus di ngolungkon, di ngolungkon, di ngolungkon
Gok do holong ni Jesus di ngolungkon, Tongtong di rohangkon
 
Mauliate gok las ni roha maringan HolongMi Tuhan di au
Mauliate gok las ni roha maringan HolongMi Tuhan di au
 
4
Ndang hona uhum be au di ngolungkon, di ngolungkon, di ngolungkon
Ndang hona uhum be au di ngolungkon, Tongtong di rohangkon
 
Mauliate gok las ni roha maringan HolongMi Tuhan di au
Mauliate gok las ni roha maringan HolongMi Tuhan di au

TANGIANG ALE AMANAMI

Ale Amanami na di banuaginjang.
Sai pinarbadia ma goarMu
Sai ro ma harajaonMu
Sai saut ma lomo ni rohaM
Di banuatonga on, songon na di banuaginjang.

Lehon ma tu hami sadarion hangoluan siapari.
Sesa ma dosanami
Songon panesanami, di dosa ni dongan na mardosa tu hami

Unang hami togihon tu pangunjunan
Palua ma hami sian pangago

Ai Ho do nampuna harajaon,
dohot hagogoon ro di hasangapon
saleleng ni lelengna.
Amen.

SELAMAT HARI KENAIKAN
TUHAN MEMBERKATI